كلوا عجب طاح وكلت لا ميطيح لأن طبعك حسين بساعه الشده والك غيره تتساوه بغيره العباس وصبرك من صبر سجاد ابو السجده من طاح الحسين بساحه الميدان كلوا ذكره راح ايزول في مده لكن زينب اخته صرحت تصريح في قعر الظلم وبأسمه تتحده يظل اسمك منار ويشهد التاريخ بكل جيل اليمر ويعلم البعده عراق وبيك رادوا توكع ومتكوم مثل ماي اعله كبر الكاع يتبده ورادوا بيك تايهه ماتعرف الراي ولو رايك شرد جا منهو اليرده ورادوا بيك شاة وضيعت الغنام والجيران ذيب ونايم بسده ماكدروا لأن شافوا خصال البيك موجوده بحسين الأخذ من جده قارعت الطغاة وكسريت اظهور الجانت للظلم واهل الظلم سده وحاربت العقول الغيراها الجور شما يفتح عدوك باب وتسده وصيحت بيهم عراق وأسألوا التأريخ وأياكم بعد لو عادت الرده طبع عباس طبعي وما اهاب الموت وخلي الكون يشهد لو اهد هده احذركم وكلكم لازم اتعرفون هذا انه العراق اليوصل اشحده
