منتدى يهتم بالعلوم والتكنلوجيا والحاسوب والأدب والرياضة والفنون ونبض الشباب الواعي والمرأة
 
الرئيسيةالمواضيع المتميمكتبة الصوراليوميةالتسجيلدخول
المواضيع الأخيرة
منتدى الخصيب
 منتدى الخصيب .. هو تجمع عراقي عربي يهتم لكافة الفنون الاسلامية والادبية والعلمية ، وكل ماهو جديد ستجده في الخصيب ..

شاطر | 
 

 قصيدة مهداة الى د. صلاح وكافة العراقيين من لينا ..الخصيب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لينا
عضو فعال
عضو فعال
avatar

عدد الرسائل : 468
العمر : 34
تاريخ التسجيل : 14/03/2008

مُساهمةموضوع: قصيدة مهداة الى د. صلاح وكافة العراقيين من لينا ..الخصيب   الأربعاء 14 يناير 2009 - 20:55

أرجـع يالرحت بعيد عن بغـداد
وسكنت هناك دولة ما هي دولتنه

حقك من رحت جان الوضع مو زين
تفجيـر وقتـل وأرهـاب موتنه

بس هسه الوضع مو نفسة ذاك الجان
عراقييـن كلنا وهـاي طيبتنـه

بعد ماكو جوادر مأتم وأحـزان
كبل جانت كبل بسنين شدتنـه

عبرناها الشـدايـد والحمد لله
وهالدمع اليصب هذا دمع فرحتنه

كافي من الغرب مو صار خمس سنين
مل حتى الغـرب مو كثر غربتنـه

أرجع للأهل للصحبة والأحباب
نلتم مـن جـديد يا محلة لمتنـه

أرجع للنجف لدهوك والأنبـار
لتكريت وسماوه أرجع لبصرتنه

أرجع للفضل للثورة والنعمان
مناطقنه اصبحت والله جنتنه

يــا دجلة الخير يا أم البساتين
أرجع وأرتوي من ماي دجلتنه

أضربلك مثل صغير عن بغداد
حاول تفتهم وتشوف حيرتنه

بغداد الحضن والشرف والديرة
والأم والحبيبـة وهي هيبتنه

عايف هالحضن وساكن بغير احضان
وعفت هذا الشرف وهجرت ديرتنه

أرجع والنصر والله يعود وياك
وبيدك هاي بيدك شيل رايتـنه

أدري أنت وفي وأدريك ما مرتاح
وتصيح الله واكبر لغربة ذلتنـه

وأدري أنت أصيل ومعدنك يا نوع
وأدري انت الشهم والغيرة فزعتنه

أفرض بالغرب لاكاك ملك الموت
وبتراب نزلت ما هي تربتنـه

درجع والجواز هناك شمرة بعيد
ومزكها الأقامة وهاي فرحتنه

أرجع والفرح ينتظرك ابغداد

أرجع و الوطن محتاج وكفتنه

أرجع و الوطن محتاج وكفتنه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة مهداة الى د. صلاح وكافة العراقيين من لينا ..الخصيب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الخصيب :: الخصيب الادبي-
انتقل الى: